ਤਾਜਾ ਖਬਰਾਂ
ਨਵੀਂ ਦਿੱਲੀ ਵਿੱਚ ਤੇਲ ਮਾਰਕੀਟ ਤੋਂ ਇੱਕ ਮਹੱਤਵਪੂਰਨ ਖ਼ਬਰ ਸਾਹਮਣੇ ਆਈ ਹੈ, ਜਿੱਥੇ ਸਰਕਾਰੀ ਤੇਲ ਕੰਪਨੀਆਂ ਨੇ ਪ੍ਰੀਮੀਅਮ ਪੈਟਰੋਲ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰ ਦਿੱਤਾ ਹੈ। ਸ਼ੁੱਕਰਵਾਰ ਨੂੰ ਜਾਰੀ ਕੀਤੇ ਗਏ ਨਵੇਂ ਦਰਾਂ ਅਨੁਸਾਰ, ਪ੍ਰੀਮੀਅਮ ਪੈਟਰੋਲ ਦੇ ਵੱਖ-ਵੱਖ ਬ੍ਰਾਂਡਾਂ ਦੀ ਕੀਮਤ ਵਿੱਚ 2.09 ਰੁਪਏ ਤੋਂ 2.35 ਰੁਪਏ ਪ੍ਰਤੀ ਲੀਟਰ ਤੱਕ ਦਾ ਵਾਧਾ ਕੀਤਾ ਗਿਆ ਹੈ।
ਇਹ ਵਾਧਾ ਖਾਸ ਤੌਰ 'ਤੇ Bharat Petroleum Corporation Limited (BPCL) ਦੇ “Speed”, Hindustan Petroleum Corporation Limited (HPCL) ਦੇ “Power” ਅਤੇ Indian Oil Corporation Limited (IOCL) ਦੇ “XP95” ਵਰਗੇ ਪ੍ਰੀਮੀਅਮ ਪੈਟਰੋਲ ਬ੍ਰਾਂਡਾਂ 'ਤੇ ਲਾਗੂ ਕੀਤਾ ਗਿਆ ਹੈ। ਇਹ ਪੈਟਰੋਲ ਵਾਹਨਾਂ ਦੀ ਬਿਹਤਰ ਪਰਫਾਰਮੈਂਸ ਅਤੇ ਇੰਜਣ ਦੀ ਲੰਬੀ ਉਮਰ ਲਈ ਵਰਤੇ ਜਾਂਦੇ ਹਨ, ਜਿਸ ਕਾਰਨ ਇਹ ਆਮ ਪੈਟਰੋਲ ਨਾਲੋਂ ਮਹਿੰਗੇ ਹੁੰਦੇ ਹਨ।
ਹਾਲਾਂਕਿ, ਆਮ (ਰੈਗੂਲਰ) ਪੈਟਰੋਲ ਦੀਆਂ ਕੀਮਤਾਂ ਵਿੱਚ ਕੋਈ ਤਬਦੀਲੀ ਨਹੀਂ ਕੀਤੀ ਗਈ ਅਤੇ ਇਹ ਪਹਿਲਾਂ ਵਾਲੀਆਂ ਦਰਾਂ 'ਤੇ ਹੀ ਉਪਲਬਧ ਹੈ। ਇਸ ਫੈਸਲੇ ਨਾਲ ਉਹਨਾਂ ਵਾਹਨ ਮਾਲਕਾਂ 'ਤੇ ਅਸਰ ਪਵੇਗਾ ਜੋ ਆਪਣੇ ਵਾਹਨਾਂ ਵਿੱਚ ਪ੍ਰੀਮੀਅਮ ਫਿਊਲ ਦੀ ਵਰਤੋਂ ਕਰਦੇ ਹਨ।
ਮਾਹਿਰਾਂ ਦੇ ਅਨੁਸਾਰ, ਇਹ ਵਾਧਾ ਅੰਤਰਰਾਸ਼ਟਰੀ ਕੱਚੇ ਤੇਲ ਦੀਆਂ ਕੀਮਤਾਂ ਅਤੇ ਮਾਰਕੀਟ ਦੀ ਮੰਗ-ਸਪਲਾਈ ਦੇ ਅਧਾਰ 'ਤੇ ਕੀਤਾ ਗਿਆ ਹੋ ਸਕਦਾ ਹੈ।
Get all latest content delivered to your email a few times a month.
